Stellingwarver Wiesneus uutdield
Alle kiender van alle basisschoelen in de Stellingwarven hebben in de meertmaond ommenocht et tiedschrift Wiesneus mit naor huus kregen.
Et prejekt Wiesneus lopt al een stokmennig jaoren in Drenthe en ere Nedersaksische perveensies. De Stellingwarven doen now veur et dadde jaor mit an dit onderwiesprejekt.
In et 16 bladzieden tellende tiedschrift staon verhaelen, gedichten, puzels en een kleurplaete. Veur elke leeftied is d’r wat te lezen en wat te doen.
De Wiesneus is op zaoterdag 1 meert prissenteerd bi’j de eupening van de meertmaond bi’j de Schrieversronte.
