In de ofgelopen weken bin de vri’jwilligers van de Schrieversronte weer mit de krojen op pad west. De sutelers hebben weer een protte boeken, cd’s, fietsboekies en onderzetters verkocht.
Wi’j bin bliede dat oonze sutelers elk jaor weer mit de kroje langs de deuren willen. Bin de sutelers niet bi’j jow an de deure west, of weren ie niet in huus? Ie kunnen zels ok even bi’j de Schrieversronte in Berkoop kieken, of op disse webstee een boek bestellen.
