De 55e edisie van de ooldste keunstroute van Nederlaand, Eupen Stal in Berkoop, is zaoterdag 11 juli uut ende zet. Een 42-tal keunsteners en collectieven leveren dit jaor op tal van locaosies inspirerende en verrassende bi’jdraegen. Ok in et gebouw bi’j de Stellingwarver Schrieversronte wodt dit jaor keunsteners de gelegenhied beuden om mit te doen. In dit geval een installatie “The Circle of live” van et collectief X3. Et wark neudigt de bezuuker uut om in een sfeer van intimiteit en verstilling mit te bewegen en de ronde te doen.
Eupen Stal is d’r tot zundag 9 augustus, elke dag van 13.00 tot 18.00 uur. Bi’j de Schrieversronte is ok een boeketaofel inricht. Vri’jwilligers verkopen daor boeken en aandere negoasie.
Ni’js
De laeste weke kuenst bi’j de Stellingwarver Schrieversronte
