Logo 50 jaar Stellingwerver schrieversronte

Stichting Stellingwarver Schrieversronte

Instituut veur Stellingwarver tael en kultuur, mit historisch en volkskundig archief

Ni’js

Debuut veur schriever Jaap Sikkema

Jaap Sikkema uut Wolvege is pas nao zien pensionering begonnen mit et schrieven van stokkies in et Stellingwarfs. Een verhael in de ‘Stellingwarver’ over de schriefgroep ‘Letterstreken’ maekte him ni’jsgierig en hi’j is daornao ok lid wodden van disse groep. Sinds die tied schrift hi’j geregeld een stokkien veur Stellingwarver Zaeken en d’r staot ok wel es een verhael van Jaap in De Ovend.

‘Een betien appat is hiel gewoon’ is de eerste verzaemelbundel van zien haand. Et bin ruum vuuftig verhaelen over doodgewone meensken die bi’jtieden dingen mitmaeken, die oons allemaole overkommen kunnen. Verhaelen mit een humoristische inslag en altied mit een verrassend aende.

In elke gemienschop gebeurt wel es wat. Zo ok in de nuumde Stellingwarver dörpen, mar de lu uut disse bundel kom ie daor niet tegen. Alle situaosies bin uut de doem zeugen, mar somstieden…
Et boek is te koop bi’j de Stellingwarver Schrieversronte, de boekhandel en op www.stellingwarfs.nl . Et boek kost 12,50.