Niet allienig in losse stokkies, mar now ok in boekvorm, makkeliker dus, bin de kollumachtige brieven van Jannes de Oostganger an zien vrundinne Sibbeltien vanof veurbi’je zaoterdagmiddag 4 juli te lezen. Dat kan deur een ni’j, 176 bladzieden tellend boek. Et is van de haand van de auteurs Henk Bloemhoff (Oosterwoolde) en Otto de Vent (De Fochtel).
Wethoolder Hoen kreeg et eerste exemplaor van de schrievers.
De prissentaosie van et boek Jannes de Oostganger Brieven an Sibbeltien gong aenlik om een unieke gebeurtenis. In de geschiedenis van de Stellingwarver wereld en beslist ok van de literetuur onverwaachs is d’r naemelik een eupen plak invuld. De brieven en de inleiding van et die middag uutkommen boek geven butendat een beeld van wat him dreks nao WO II ofspeuld het in de relaosie van Nederlaand mit Indië.
