Uutgeveri’je Frysk en Frij wil in 2025 een gedichtebundel uutgeven mit ni’je, niet eerder publiceerde gedichten over tael en neudigt iederiene uut om een gedicht in te sturen. En dat mag vanzels ok in et Stellingwarfs.
Et onderwarp Tael is hiel bried, bi’jveurbield Moeketael, Tael van de liefde, Tael van de oorlog, Taeldiskrimmenaosie, Tael en macht, Tael as verbiening of juust as stiekeldraod, Minderhiedstael, Meertaelighied, Kiendertael, Klaanktael, Liedtael, Geheimtael, Lichemstael, Vreugdetael, Tael en identiteit. Meer idenen? Laot et Frysk en Frij weten.
Gedichten uut alle streektaelen van Nederlaand bin welkom en as et kan, wo’n d’r ok gedichten opneumen in aandere Europese minderhiedstaelen. In 2024 het disse uutgeveri’je een boek uutgeven over de eerpel mit vier Stellingwarver gedichten (zie plaetien). Et zol vanzels hiel mooi wezen as d’r in disse bundel ok weer stokmennig Stellingwarfse gedichten kommen. De instuurde gedichten wo’n beoordield deur Uutgeveri’je Frysk en Frij. Opsturen kan tot 1 juni 2025 naor: post@frysk-en-frij.nl
Veur meer infermaosie kuj’ kieken op: www.fryskenfrij.nl
