Tiedens de inspiraosiesessie op 13 meie hebben de anwezige ondernemers een prissentaosiefilmpien zien over et gebruuk van streektael in reklame en bi’j et zichtber maeken van een bedrief of perdukt. Streektael geft sfeer, straolt vertrouwen uut en schept een baand.
De filmpies waorin verteld wodde over et Stellingwarfs/Nedersaksisch, streektael in reklame en hoe de Stellingwarver Schrieversronte daorbi’j helpen kan, bin now te zien op oons YouTube kanaal
Laoj’ krek zo inspireren as de anwezigen op ’e bi’jienkomst op 13 meie en vraog oons gerust as we mit je mitdaenken kunnen. De deure staot eupen!
