In de biebeltheken van Zuudoost-Frieslaand kuj’m boeken lienen in en over et Stellingwarfs. Mar van disse maond of staon d’r ok Stellingwarver infermaosiezulen! Daor vien ie infermaosie op over et Stellingwarfs, de literetuur en de perjekten die as de tael zichtber maeken in et pebliek. Vule hiervan komt deur de Stellingwarver Schrieversronte.
Jim vienen de zulen in de biebeltheken van Noordwoolde, Oosterwoolde en Wolvege. Op vri’jdag 13 feberwaori om 11.00 uur wo’n ze feestelik onthuld in de biebeltheek van Wolvege, waorbi’j Stellingwarver schriever Harmen Houtman uut eigen dichtwarken veurdreegt. Van hatte welkom, je hierveur opgeven is niet neudig!
