Stichting Stellingwarver Schrieversronte

Veur et vierde jaor het de Stellingwarver Schrieversronte een medern Nederlaans kienderboek vertaelen laoten in et Stellingwarfs. In de ofgelopen maonden het schriefster Attie Nijboer uut Oosterwoolde et prachtige kienderboek Misjka van Edward van de Vendel ommezet in et Stellingwarfs.

Et boek Misjka het in 2023 de goolden griffel wunnen, ien van de belangriekste priezen veur kienderboeken.

Et boek Misjka gaot over een maegien dat Roya hiet. Zi’j is uut een veer laand vlucht naor Nederlaand, omdat d’r in heur eigen laand oorlog was. Ze woont now in een huus mit heur heit en mem en drie bruurs.

Ze krigt een dwargkniene waor ze goed veur zorgt. As et knienegien op een dag uut zien hokke ontsnapt en ze naor him zuken moeten, komt de geveerlike reize die Roya mit et gezin maekt het weer naor boven.

ISBN 9789027903

Wanneer Roya en heur femlie een huus kriegen in Nederlaand  bin ze hiel bliede. Mar d’r ontbrekt nog wat, vint Roya. Bi’j een huus heurt een huusdier. Et wodt een schattgi wit dwargknienegien, en ze nuumt et  Misjka. De hiele femilie is slim wies mit him. Roya vertelt Misjka over de vlocht uut heur laand, mar op een dag is Misjka inienend vot.