Stichting Stellingwarver Schrieversronte

Ni’je Stellingwarver lieties.

De Stellingwarver Schrieversronte, et centrum veur tael en kultuur in de Stellingwarven, het in et ruum vuuftigjaorig bestaon twiehonderd boeken uuigeven, mar et tal cd’s is vule kleiner. En dat wiels meziek en lieties een prachtige meniere binnen om de tael over te dregen. Butendat is et al weer een jaor of wat leden dat de laeste Stellingwarver cd uutkommen is.

Et wodde daoromme wel weer es tied veur een ni’je cd, docht kulturele duzendpoot en oerstellingwarver Karst Berkebosch. Tegere mit gitarist Mark Verbeek is hi’j an de gang gaon mit ni’je Stellingwarver lieties, mit as risseltaot disse cd mit de titel Onderwegens. Protte luusterplezier.