Pissen gaot veur daansen – eerst ofmaeken wat moet, dan is d’r tied veur aorige dingen.
In de perveensie Frieslaand kun wandelers of fietsers overal rustpunten bezuken.
De kaans is groot daj’ daor in de gemienten Weststellingwarf en Ooststellingwarf et Stellingwarfs tegenkommen in de vorm van een bottien mit een spreekwoord of uutdrokking en uutleg over de betekenis. Et Stellingwarfs verdient et om praot, heurd en lezen te wodden.
Om et Stellingwarfs zichtber te maeken, hebben de Toerisme Alliantie Friesland, de gemienten Weststellingwarf en Ooststellingwarf, de Stellingwarver Schrieversronte, en de Stichting Rustpunt de hanen inien sleugen. Krek veur de feestdaegen bin de botties mit spreekwoorden en gezegden in de gemientes uutrikt an de rustpunthoolders. Op disse webstee te vienen in et menu bi’j prejekten.
Wethoolder Roelof Theun Hoen, van de gemiente Weststellingwarf lat weten bliede te wezen dat et Stellingwarfs in de eupenbaore ruumte al mar meer zichtber wodt. Hi’j mient dat tael een groot pat van je identiteit is waor awwe groots op binnen en dat laoten we now ok zien an de toeristen en rekreanten die oonze rustpunten bezuken. Op ’e webstee van de Schrieversronte kuj’ de botties ok vienen.
