Krek zoas we de leste jaoren wend binnen, is ok veur 2026 de Wiesneus prissenteerd!] Alle Nedersaksische taelhuzen in Nederlaand maeken een vertaeling van dit blad veur de basisschoelejeugd. In de Stellingwarven het Christine Mulder d’r weer een protte wark an had, mit now veur de dadde keer een aorig en leerzem risseltaot.
Zowat alle schoelekiender in de Stellingwarven kriegen et blad vergees. Mit een protte verhaelties, puzels en gedichten kommen die kiender mooi in de kunde mit de rieke Stellingwarver tael. En as ze de puzel op bladziede 15 ok nog es goed oplossen, maeken ze kaans op een mooie pries!
Ok de kiender van et Comprix College kregen oflopen weke de ni’je Wiesneus. Disse groep kiender is drok doende om heur veur te bereiden op et examen Stellingwarfs in april. De teksten van de Wiesneus en veural de puzels wo’n ommeraek wardeerd. D’r is al drok warkt an de oplossing van de endpuzel.
Aj’ as schoele de Wiesneus wel willen mar nog niet kriegen, stuur oons dan een lienpost op info@stellingwarfs.nl!
