21 en 22 April 2022 wodde in Wolvege Symposium Erkende Taelen en Warkkonfereensie Nedersaksisch hullen. De eerste dag was orgeniseerd deur et Riek en gul veur alle erkende taelen; Limborgs, Nedersaksisch, Fries, Papiaments en Gebaoretael. Roeland van Hout (Veurzitter van de Raod veur ’t Limborgs) en Henk Bloemhoff (siktaosie van SONT) bepleitten opni’j een anpassing van de Algemiene Bestuurswet om Limborgs en Nedersaksisch vri’j bruken te kunnen in gemienteraod en perveensiaole staoten. Ok brochten ze et verlangst naor veuren om Limborgs en Nedersaksisch (en Fries) in de Grondwet op te nemen.
Tiedens de warkkonfereensie Nedersakisch op de twiede dag, wodde o.a. een groot onderwiesprojekt veur et basisonderwies prissenteerd, bedoeld as gelieksoortig over et hiele taelgebied. Een biezunder en formeel mement was et deur de Nedersaksische overheden tekenen van een brief die naor et Riek gaot mit de vraoge om Bunschoten en Urk ansluten te laoten bi’j et Konvenaant Nedersaksisch.
https://www.weststellingwerf.nl/eerste-werkconferentie-voor-nedersaksische-streektaal
https://neerlandistiek.nl/2021/08/18-november-2021-symposium-erkende-talen/
