d’ Eerste knoppen
basten eupen,
de meitied is
uut d’eerde kreupen.
’t Frisse gieselt
deur de lochten
en de bollen
die we kochten….
…zullen kleur en
kriebels geven,
dreuge voren
kommen tot leven.
Strakke lienen;
laekens druppen,
stroo en roegt’ uut
winter-gröppen
Wietske, schruten,
bloost van Gosse,
voolties springen,
kiek ‘een losse’ !
Dichte schoenen,
vuul: ze knellen,
stille bronnen
borrelen, wellen.
Blossem vlocht
al uut de knoppen.
d’ Veurjaor’s broes
is niet te stoppen !
Harmen Houtman
