Stichting Stellingwarver Schrieversronte

Veldnaemen van Stellingwarf diel VIII Berkoop.
Auteurs: Wim de Boer en Henk Bloemhoff, m.m.v. Karst Berkenbosch, Roelof Dragt en Pieter de Jong.
Groot fermaot (A-4), gebonden en veul beeldmateriaol. Tal pagina’s: 48.

Et boek is veurzien van kaorten en een hiele riegel foto’s, daor et beeld van et oolde laandschop netuurlik mit deur verstarkt wodt. In wezen bestaot disse publikaosie uut drie patten: een algemiene inleiding over de omgeving van Berkoop en over et veldnaemeonderzuuk van mit naeme de SSR, et twiede diel is de lieste mit gegevens en uutleg, en dan volgt as diel 3 een lieste mit de ‘toponymische elementen’ die et meerst in oonze regio Stellingwarf veurkommen. Dat bin woorden zoas maod, bult, kaampe en al zo wat henne. Die lieste lat him ok bruken deur meensken die veldnaemen verklaoren willen in dörpen die nog gien veldnaemeboek hebben.