Stellingwarver Wiesneus
Et Stellingwarver tiedschrift Wiesneus mit verhaelen, gedichies, puzels en een kleurplaete is klaor. Alle Stellingwarver kiender kriegen in de kommende weken ommenocht een exemplaor. De Wiesneus, www.wiesneus.nl wodt in Drenthe al jaoren uutdeeld an de kiender van de basisschoelen. In de ofgelopen jaoren hebben ok de aandere Nedersaksische preveensies mitdaon. Dit jaor dot de Schrieversronte veur et eerst mit. Aj’ gien kiender in de basisschoeleleeftied hebben, mar ie willen toch graeg een exemplaor van de Wiesneus, dan kuj’ bi’j de Schrieversronte in Berkoop iene bestellen.
