Ikarus, ie moe’n niet valen,
vlieg niet hóger deur de locht!
Aangstig roepen we ‘t mit ‘n allen;
tóch kreeg’ ie vleugels veur jow vlocht.
Daniël, ie moe’n niet valen,
‘t wark geft je té hoge drok.
Gao naor Enter of Delete es,
slaoj’ jezels niet mit die stok.
Marian, ie moe’n niet valen,
staotus is… zo hol as ‘t kan,
straks prikken ze die ballon deur
en dan gniffelt alleman.
Ikarus geef es een veurbield;
vlieg niet hoger, lach en zweef.
Geef Marian de ‘Tuun van Eden’,
zeg tegen Daniël van: ‘Leef’…
Harmen Houtman
