31 meie 2022 orgeniseerde de warkgroep Alles Rondom Taal van de Stichting Kunstwerf een aovend mit schriever Pim Lammers, mit mitwarking van Johan Veenstra.
Et begin 2017 verschenen debuut van Pim Lammers, Het lammetje dat een varken is (illestraosies: Milja Praagman), wodde bekroond mit een Zulveren Griffel en is vertaeld in et Spaans, Galicisch, Baskisch, Japans, en now ok in et Stellingwarfs. Johan Veenstra zorgde veur de Stellingwarver vertaeling, ‘Et laompien dat een varken is’. Tiedens disse aovend vertelde Pim Lammers waoromme hi’j et belangriek vient dat in kienderliteratuur schreven wodt over gender- en seksuele diversiteit en las hi’j veur uut eigen wark. Johan Veenstra las zien vertaeling veur en vertelde an de haand van vraogen over et belang d’rvan en over et schrieven in et Stellingwarfs.
D’r was ok gelegenhied om mit Pim en Johan in gesprek te gaon.
