Logo 50 jaar Stellingwerver schrieversronte

Stichting Stellingwarver Schrieversronte

Instituut veur Stellingwarver tael en kultuur, mit historisch en volkskundig archief

Ni’js

Lezing Tommy Wieringa

De bekende schriever Tommy Wieringa zal op woensdagaovend 24 jannewaori in de aula van et Stellingwerf College in Oosterwoolde een lezing geven over zien ni’jste boek Nirwana. D’r zal ok gelegenhied wezen om vraogen te stellen en in de pauze kuj’ et boek anschaffen en deur de schriever signeren laoten.

De auteur wodde in 2005 bi’j et grote pebliek bekend mit zien roman Joe Speedboot, daor hi’j de F. Bordewijk-pries veur kreeg. Zien reisverhaelen wodden bundeld in Ik was nooit in Isfahaan (2006). Essays en beschouwings verschenen onder eren in de Volkskrant, Vrij Nederland en NRC Handelsblad.

Nao Joe Speedboot schreef hi’j nog verscheiden ere romans die deur een boel meensken arg wardeerd wodden: Caesarion (2009), Dit zijn de namen (2012), De dood van Murat Idrissi (2017) en De heilige Rita (2017). En dan in september 2023 et indrokwekkende epos Nirwana, daor de geschiedenis van een pake et heden van een pakezegger in bepaolt. Tegere vertellen ze et verhael van een ieuw daor et wereldvuur in braandde as nooit teveuren.

De aovend begint om 20.00 ure. Kaorties ku-j allienig kopen via kunstwerf.com/evenementen. Ze kosten € 10,00; jongeren tot 18 jaor betaelen € 5,00 (incl. koffie/thee bi’j binnenkomst).

Foto Tommy Wieringa: Keke Keukelaar