Et wereldberoemde schrieverskoppel Nicci French komt zaoterdagmorgen 13 meie van 11.00 tot 12.00 ure veur een signeersessie naor de Bruna in Oosterwoolde. Dit bezuuk leggen zi’j of ter promosie van heur ni’jste thriller Heeft iemand Charlotte Salter gezien? én liekewel ok de promosie van de filmeditie van Het Geheugenspel waorvan de film in meie in première gaot in de Nederlaanse bioscopen.
“Wi’j bin d’r as team slim groots op dat et koppel oonze winkel keuzen het”, zegt Wytske de Haan, verkoopster in de Bruna winkel an de Stationsstraote 19 mit goeie zin. “Wi’j bin in de vere omkrieten de ienige winkel waoras de schrievers langes kommen zullen.” Bruna Oosterwolde verwaacht dan ook een hiele protte anloop. “Wi’j daenken dat mennig enthousiaste fans disse unieke kaans niet an heur veurbi’jgaon laoten willen. Zi’j kun et ni’jste boek van Nicci French Heeft iemand Charlotte Salter gezien? hier gewoon in Oosterwoolde signeren laoten.”
Nicci French is wereldberoemd vanwegens heur thrillers en kotte verhaelen. Heur thrillers -stok veur stok internationaole bestsellers- bin in 36 lanen verschenen en verkochten inkeld in oons laand al meer as zes miljoen exemplaoren. Ok is een tal van heur boeken verfilmd.
De signeersessie vint plak op 13 meie tussen 11.00 en 12.00 ure.
