Logo 50 jaar Stellingwerver schrieversronte

Stichting Stellingwarver Schrieversronte

Instituut veur Stellingwarver tael en kultuur, mit historisch en volkskundig archief

Ni’js

Ni’je mitwarker veur de Schrieversronte

De Schrieversronte het begin disse maond een ni’je mitwarker ansteld. Hennie Duin uut Oosterwoolde zal de kommende jaoren 16 uur in de weke bi’j de Schrieversronte warken. Hennie zal heur veural doende holen mit de financiële en orgenisetorische kaante van et wark en zo direkteur Abel Darwinkel ondersteunen. Wat de financiën angaot is Hennie in et zoolt bebeten. Veur et eigen bedrief en bi’j pattie vri’jwilligersorganisaosies op De Fochtel het zi’j jaorenlang de financiële zaeken regeld. Ok het zi’j van 2010 tot 2018 veur et CDA in de raod van Oost-Stellingwerf zeten.

Hennie is een geboren Stellingwarver. Zi’j is op De Fochtel opgruuid mit et Stellingwarfs.