Et boek Appèl jongelui van Cees van der Velde uut Appelsche is zaoterdag 23 september prissenteerd in et gemientehuus in Beilen. Dik zestig meensken weren d’r bi’j.
Et boek gaot over de diensttied van Cees. Doe hij achttien was mos hi’j in dienst en veertig jaor laeter het Cees zien vervelende erverings van zien diensttied opschreven.
De schriever las wat veur uut zien ni’je boek, Karst Berkenbosch en Mark Verbeek verzorgden de meziek, met onder eren et nummer ik stao op wacht. Abel Darwinkel, direkteur van de Schrieversronte vertelde wat over de verschillen en overienkomsten tussen et Stellingwarfs, et Dreents en et Smildegers.
Et eeerste exemplaor wodde deur de schriever uutrikt an Maria Faber, die Cees van der Velde in et verleden adviseerd hadde om zien erverings in et leger op te schrieven.
