Ok disse meitied deden de ooldste kiender van et Comprix College weer examen in et vak Stellingwarfs. De lessen as ok et examen weren deur de corona online. Et mondeling examen wodde ofneumen deur Sietske Bloemhoff en juf Ageeth Bos. Naost een mondeling diel was d’r krek as in de eerdere jaoren ok een schriftelik pat. Daorin mossen de leerlingen een verhaeltien in et Stellingwarfs vertaelen, en een Stellingwarfstaelig gedicht van Jan Veldhuzen wodde ommezet in et Nederlaans.
Et Stellingwarfs op et Comprix College is veural bedoeld as een middel om te leren hoe aj’ een tael in de macht kriegen. Woorties leren, diktees maeken en ok grammatikaoefenings heuren d’r bi’j. Ok hebben de kiender een taelonderzuuk daon naor streektaelen. Et examen was op 21 april en kotleden bin ok de certifikaoten uutdield.