De schrievers Johan Veenstra en Douwe Kootstra hebben vri’jdagmiddag 8 meert optreden in de biebeltheek in Wolvege. Een gezaemelik optreden van de schrievers-vertellers Johan Veenstra en Douwe Kootstra komt niet vaeke veur. As literaire entertainers timmeren zi’j al hiel lange an de weg. In veertig jaor tied hebben zi’j meer as 4500 keer optreden in en buten de perveensie. Beiden hebben ok jao-renlang spraokmaekende kollums veur Omrop Fryslân had.
De middag in de biebeltheek wodde, in saemenwarking mit de Stellingwarver Schrieversronte, orgeniseerd omdat Veenstra zien dattigste boek, Naozoemerlaand, vleden jaor verschenen is. Et biezundere pergramme beston onder eren uut een gesprekkien mit de oer-Stellingwarver Veenstra, die ok zien Friese kollega-schriever et hemd van et lief vraogd het. En netuurlik hebben beide schrievers uut eigen wark verteld. Een opvalend aander onderdiel was dat de schrievers tegere een wried-erotisch verhael heuren laoten hebben in de taelen waor ze al zo lange in vertellen en schrieven: et Fries en et Stellingwarfs.
foto: Lenus van der Broek.
