De bewoners op leeftied in de tehuzen in de beide Stellingwarven kunnen binnenkot een mooie muzikaole middag bezuken. Karst Berkenbosch uut Berkoop is de initiatiefnemer van dit ienmaolige projekt. Hi’j kriegt op disse biezundere tocht langs de tehuzen hulp van Grietje Bosma en Mark Verbeek.
De bewoners kriegen een pergramme anbeuden mit lieties, schetsies en gedichten. Ze meugen ok mitdoen as d’r lieties zongen wodden en dat wodt zeker op pries steld. De orgenisaosie ligt bi’j de Stellingwarver Schrieversronte in Berkoop.
Nao drie eerdere gezellige optredens bi’j Stellinghaven in Oosterwoolde, Lycklama Stins in Wolvege en Sinnehiem in Haulerwiek volgen d’r nog een stokmennig in ere tehuzen waor een muzikaole middag holen wodden zal.
Die bin op:
vri’jdag 20 jannewaori Beatrixoord Appelscha,
vri’jdag 27 jannewaori De Menning Wilhelminaoord,
donderdag 2 feberwaori Berkenstede Wolvega,
vrijdag 3 feberwaori Zaandhuzen,
donderdag 9 feberwaori Sickengaoord Wolvega en
vri’jdag 17 feberwaori Wilgestede Wolvega en vri’jdag 3 meert Lindestede in Wolvege.
De optredens bin ongeveer van 14.30 tot 16.00 uur.
