De meertmaond is begonnen. Meert is tredisiegetrouw de streektaelmaond mit een protte ommedaenken veur et Stellingwarfs.
Vandaege een gedicht van Attie Nijboer
Meert
Zoe’n maond van wat omme klooien
Krek nog gien veurjaor
De winter lat nog niet los
Et kan vriezen en dooien!
De daegen lengen en lengen
De naachten bin nog koold
De tuun ligt nog te rusten
Nog evenpies geduld opbrengen
Al kuwwe heur in de veerte al vulen
Somstieden al een betien roeken
Et zunnegien kan al schruten schienen
De regen ok nog pattietoeren flink spulen!
Zels et haegelwitte winterklied
Kan nog zomar over et laandschop
De sloden en de straoten valen
Een voegel zingt zien lied
Kotom: meert reurt zien steert
Zoas in de volksmond bekend
Meert is al een betien ofscheid nemen
En al et ni’je begin maekt et dat weerd!
Attie Nijboer