Een dikke maond leden is de schriever Pim Lammers bedreigd deur mèensken die muuite hebben mit goed lezen. Pim Lammers het vleden weke een reaksie geven op alle bedreigings: klik disse link mar es an. Schrijver Pim Lammers: ‘Na zoveel kwetsende leugens wil ik laten zien waar mijn werk écht over gaat’ | Deze verhalen mag je niet missen | AD.nl
Pim Lammers is opgruuid in Oosterwoolde en het daor ok naor schoele gaon. Vleden jaor het de Schrieversronte een Stellingwarver vertaeling uutgeven van Het lammetje dat een varken is, waor Lammers in 2018 de Zilveren Griffel met wunnen het. De vertaeling van et boek is maekt deur Johan Veenstra en het as titel: Et laompien dat een varken is. Et boek is uutdield an alle kiender van groep 3 in de Stellingwarven. Pim Lammers het et boek in mei 2022 prissenteerd op de Boekhorst in Oosterwoolde en op de Vensterschoele in Noordwoolde. Dat gong op een plezierige ongedwungen meniere. De schoelen kieken daor mit een protte wille op weeromme.
Hieronder een stokkien uut de vertaeling Et laompien dat een varken is.
Mar wat is dat?
Een laompien in de modder?
‘Wat een gek laom!’ roepen de schaopen.
‘Wat een vremd laom!’ roepen de varkens.
‘Ik bin niet gek!’
ropt et laompien.
‘Ik bin een varkentien.’
En hi’j weldert him nog es in de drabse.
Meer lezen? De Schrieversronte het nog een peer exemplaoren: kiek bij bestellen.
