Logo 50 jaar Stellingwerver schrieversronte

Stichting Stellingwarver Schrieversronte

Instituut veur Stellingwarver tael en kultuur, mit historisch en volkskundig archief

2021 – berichten en ni’jgies

Stellingwarver kollums van Jan Koops op Omroep Frieslaand

Eerdere veurzitter van de Stellingwarver Schrieversronte Klaas van Weperen uut de tied

Oons beriekte de trieste tiedinge van et wegraeken van oonze eerdere veurzitter de heer Klaas van Weperen uut Wolvege, in de leeftied van 85 jaor. Van Weperen wodde in 1936 op ‘e Haule geboren en kwam te overleden op 3 april 2021. Van Weperen hadde een drok leven, mit naeme in et laandbouwonderwies in Wolvege. Ok in zien pensioentied was hi’j beheurlik aktief. Tot niet zo lange leden was hi’j nog veurzitter van de Onofhaankelike Senioreverieninge van Wolvege.

Van Weperen was veurzitter van de Stellingwarver Schrieversronte van 1994 tot 2001. Hi’j zal bekend blieven as een aktief man. Een aorige SSR-herinnering an him is te lezen in et artikel ‘Groot deur de gekte van de eerste fanatiekelingen’ >> www.stellingia.nl/wp-content/uploads/2015/03/De-Ovend-2001-5-1.pdf. Et is een gesprek van de bekende Stellingwarver schriever Harmen Houtman mit een koppeltien eerdere SSR-veurzitters. Et gaot over doe, ‘now’ en de toekomst van et Stellingwarfs en et instituut Stellingwarver Schrieversronte.

Uut 2021: