Logo 50 jaar Stellingwerver schrieversronte

Stichting Stellingwarver Schrieversronte

Instituut veur Stellingwarver tael en kultuur, mit historisch en volkskundig archief

2018 – berichten en ni’jgies

21 Feberwaori internationaole memmetaeldag; ok van belang veur et Stellingwarfs

De internationaole memmetaeldag wodt ok vierd in Nederlaand. Veur de Friese en Nedersaksische taelorgenisaosie is EBLT / EBKT = Europees Buro veur Kleine Taelen elk jaor aktief. Et internationaole ommedaenken veur de memmetael is officieel op 21 feberwaori. Mar in et kader van dit ommedaenken het EBKT dit jaor besleuten tot et vertonen van een twietal films bi’j filmhuus Slieker, Liwwadden, op een ere dag, en wel op zundag 25 feberwaori. D’r bin dan twie vertonings; de eerste, officiële, mit gaasten, sprekeri’je en naogesprek is om 11.30 ure. De twiede is de aovens, om 20.00 ure.

Beide keren begint et mit een kotte, eerste film: ‘Plangent Rain’, ‘Regen zonder aende’, een Maltese film, veur de gelegenhied in et Fries ondertiteld. Disse wat raodselachtige mar slim belende film geft een volledig aander beeld van Malta as uut de reisfoolders. Een jonge man het et muuilik mit zien mem en zien omke…

De twiede film is heufdfilm; et is een Roma-film uut Slowaki’je, mit de titel ‘Cigán’. Regisseur en producent warkten maonden mit een groep Roma-akteurs uut et oosten van dat laand. Heufdpersoon Adam beleeft een protte plezier an de bokssport en an zien vrundinne Julka. Mar as die uuthuwelikt wodt an een rieke Tsjech beginnen de perblemen pas… De film was een boel wardering veur op filmfestivals en hi’j brocht et ok tot de officiële Slowaakse inzending veur de Oscar veur beste film in een vremde tael.

Uut 2018:

Eerste pries veur Harmen Houtman

Dichter en schriever Harmen Houtman uut Et Vene, mar van vroeger van Ni’jhooltpae, het de eerste pries wunnen van een biezundere dichterswedstried van de Friese Akedemie in Liwwadden. De wedstried wodde uutschreven in et kader van et LF2018 projekt Lân fan Taal/Laand...

Wille mit Tomke en zien vrunties!

De ukken van kienderopvang 'De Kinderkei' in Wolvege en ukkespeulplak 'Berend Botje' in Berkoop konnen maendagmorgen as eersten genieten van de ni’jste verhaelties van Tomke en zien kammeraoties. Daor gong veur de elfde keer de Stellingwarver veurleesaktie veur alle...

’Dichter’ bi’j de netuur

Op 27 oktober is d’r een fietstocht van zoe’n 25 kilometer deur de omkrieten van Hooltpae en omgeving. Onderwegens zal Freddie de vries wat vertellen over de netuur en de kultuurgeschiedenis van disse streek. Tiedens de tocht zullen d’r ok een tal bekende...

Overheden zullen konvenaant tekenen

Overheden zullen konvenaant tekenen: Nedersaksisch nog es in nationaol verbaand erkend! Mit veerdere opvietering Op woensdag 10 oktober 2018 tekenen menister Kajsa Ollongren van Binderlaanse Zaeken, de dippeteerden veur kultuur van de perveensies Drenthe, Frieslaand,...