Op 27 oktober is d’r een fietstocht van zoe’n 25 kilometer deur de omkrieten van Hooltpae en omgeving. Onderwegens zal Freddie de vries wat vertellen over de netuur en de kultuurgeschiedenis van disse streek. Tiedens de tocht zullen d’r ok een tal bekende Stellingwarver dichters mitfietsen: dat bin o.e. Attie Nijboer, Harmen Houtman en Johan Veenstra. Zi’j zullen onderwegens inkelde van heur gedichten veurdregen. De tocht begint om 14.00 ure bi’j kefé Wever in Hooltpae. Et mitdoen an disse tocht, die deur Freddie in gezaemelikhied mit de Stellingwarver Schrieversronte orgeniseerd wodt, kost niks.
Sigrid Dassen promoveerde mit Stellingwarfs op nivo
De webstee van de Wageninger universiteit het d’r al beheurlik ommedaenken an geven. Sigrid Dassen promoveerde op Diversity relations of plants and soil microbes. Mit een saemenvatting in et Engels, zoas dat heurt, iene in et Nederlaans, en… iene in et Stellingwarfs,...