Woensdagmiddag 18 september 2019 hul SONT (‘Streektaelorgenisaosies Nedersaksisch Taelgebied’) in et kulturele centrum De Carrousel in Ommen een onderwiesbi’jienkomst veur alle Nedersaksische regio’s. Et doel van de middag was om mekeer te infermeren op et gebied van et onderwies, en dan mit naeme de ontwikkeling van lesmateriaol in of over de streektael. De Stellingwarver Schrieversronte was ok vertegenwoordigd. Niet alliend mit een kraom vol lesmateriaol en veul te bekieken digitaole meugelikheden op een groot schaarm, mar ok mit een inleiding uut de praktiek. Daor zorgde Ageeth Bos uut Steggerde veur. Zi’j vertelde over et Stellingwarfs op et Comprixkollege; dat is een akedemisch leerpunt veur cognitief telentvolle leerlingen van basisschoelen in Stellingwarf. Kiender uut groep achte van et kollege leren onder heur leiding et schrieven en praoten in et Stellingwarfs. Veur de meersten van heur is dat een vremde tael. Veur de lessen ontwikkelde Ageeth Bos, i.s.m. de Stellingwarver Schrieversronte, een uutgebreid lessepakket, waorvan de lessen ofsleuten wodden mit een examen.
Hiel in et kot kon d’r deur Sietske Bloemhoff in Ommen nog wat verteld wodden over et schoelebriede projekt De Veerkieker, en over et speciaol ontwikkelde lesmateriaol – vaeks in de vorm van projekten – veur et vak Hiemkunde in et basisonderwies.
Stellingwarfs radiopergramma op radio Odrie
Stellingwarfs radiopergramma op radio Odrie: vri'jdags, van 18.00 tot 19.00 ure ’In twielochten’: dat is de naeme van et ni’je Stellingwarfstaelige radiopergramme dat van 8 november 2019 of wekeliks uutzunnen wodt. Et initiatief veur et ni’je pergramme komt van de...