Logo 50 jaar Stellingwerver schrieversronte

Stichting Stellingwarver Schrieversronte

Instituut veur Stellingwarver tael en kultuur, mit historisch en volkskundig archief

2019 – berichten en ni’jgies

Verdiepingskursus Stellingwarfs ofsleuten op 23-1-2019

Mit een lezing deur Dennis Worst over zien laandschapshistorisch onderzuuk en een prissentaosie van et veldnaeme-onderzuuk van de Stellingwarver Schrieversronte deur Henk Bloemhoff wodde op donderdagaovend 23 jannewaori 2019 de verdiepingskursus Stellingwarfs ofsleuten. Ok disse keer was de bi’jienkomst weer in et smoeke taelinstituut van de Stellingwarver Schrieversronte in Berkoop. An de verdiepingskursus deden disse keer negen kursisten mit. Eerder hadden zi’j al de beginnerskursus Stellingwarfs daon. Naost de onderwarpen van disse aovend weren eerder et schrieven in et Stellingwarfs, de Stellingwarver literetuur, de Stellingwarver taelkunde, de Stellingwarver geschiedenis en et doel en de aktiviteiten van de Stellingwarver Schrieversronte op ‘e bodden west. Behalven Dennis Worst en Henk Bloemhoff hadden, op eerdere donderdagaovenden, de aandere lesgevers Mark van Veen, Geert Lantinga en Sietske Bloemhoff in ’t spier west.

Uut 2019:

Stellingwarfs in Obe (Liwwadden)

Vanwegens een tentoonstelling mit wark van de keunstener Jan Murk de Vries (1919-2015) orgeniseert Tresoar op 13 feberwaori 2020 een aovend in Obe, podium veur literetuur, keunst en tael, in Liwwadden. Acht schrievers en vertellers lezen die aovend et deur heur...

Ludende klokken in Else…

Oflopen vri’jdagmiddag 20 september 2019 weren mit riegelmaot de klokken van de klokkestoel in Else te heuren. En omreden et stil weer was, klonken ze tot veer in de omtrek. Vandaege-de-dag wo’n klokken veural luded om de tied an te geven, mar vroeger gebeurde dat ok...

Psalm 8 in et Stellingwarfs

Kommende zundag 26 meie 2019 is et bekende Kwartettekoar van Hindrik van der Meer veur de 25ste keer in aktie in et kader van de 'Ofscheidstoernee' van Hindrik, die veurig jaor 80 wodde. Et koor is now over de helte van 44 optredens in karken overal in de perveensie....

Jong en oold geneut van film

Een volle theaterzael van 't Buurthuus in Noordwoolde; dat leverde de eerste vertoning van de Stellingwarver film 'Daor klept de klokke weer' in Stellingwarf op. Jong en oold kwam op disse biezundere aovend of, en iederiene die mitdaon hadde of die uut belangstelling...

Jan Haveman in et zunnegien

Maondeliks of jaorliks in et zunnegien – dat gebeurt meensken niet gauw, zeker niet vanwegens wark in een bestuur doen of vertegenwoordiger wezen bi’j een aandere klub. Al gaot et om vule langer, d’r was kotleden alle reden om zoks wisse wel te doen wat Jan Haveman...

Luusterders genieten van veurleesaktie

Op donderdag 7 en vri’jdag 8 feberwaori was d’r in de jaorlikse veurleesweke weer een grote groep van vri’jwilligers van de Stellingwarver Schrieversronte op pad om de bewoners van verpleeghuzen en zorginstellings een mooie veurleesmorgen of –middag te bezorgen. Ieder...

Overiesselse Staote

Overiesselse Staoten: onderzuuk naor plaknaemebodden mit Nedersaksisch en naor de ied in et Nedersaksisch onderwegens Op veurstel van D66-Staotelid Jos Mooijweer hebben de Staoten van Overiessel kotleden besleuten dat d’r een onderzuuk komt naor de meugelikheden van...