Nedersaksische app ‘Woordwies’ prissenteerd deur de saemenwarkende Nedersaksische tael- en kultuurorgenisaosies op maendag 16 december 2019 (Assen, RTV Drenthe)
‘Woordwies’ is de eerste Nedersaksische app van de streektaelorgenisaosies van Grunningen, Drenthe, Stellingwarf, Overiessel en De Achterhoeke. De app is bedoeld veur elk mit belangstelling veur tael uut de Nedersaksischtaelige regio’s. D’r zit een ni’j taelspul in de app en et laeste twitterni’js komt in een Nedersaksische variaant veurbi’j. Zo kriej’ meer aorighied an et Grunningers, Drents, Stellingwarfs, West-Overiessels, Twents en Aachterhoeks. Et Nedersaksisch is de hieltied hipper an et wodden sund de ondertekening van et konvenaant in oktober 2018. De saemenwarking tussen de streektaelorgenisaosies is een tal jaoren eerder al begonnen. Op initiatief van et Huus van de Taol in Drenthe bin de Nedersaksen om de taofel gaon. Eerst wodde docht an een gemienschoppelike portal / webstee, mar op ’t langelaeste is keuzen veur een fun-app, anvuld mit et laeste ni’js van de twitter-accounts van de saemenwarkende orgenisaosies.